Þjóðverja vísað frá Þýskalandi???

Hið Þúsund ára ríki (sem stóð í 12 ár) hóf feril sinn á því að gera hundruð þúsunda eigin borgara brottræk úr landi sínu. Sambandslýðveldið sem var stofnað 1948 lagði því blátt bann við því að ríkið gæti tekið ríkisborgararétt af nokkrum manni. Það væri því gott að Moggi vísaði til heimilda um þessa "frétt". Á netinu er ekkert að finna um að Sven Lau hafi verið vísað úr (sínu eigin) landi, enda væri það forsíðufrétt í allri heimspressunni ef svo væri.

Vísuðu múslímaklerki úr landi

Athugasemdir

[Skúli Skúlason (IP-tala skráð) 9.6.2013 kl. 10:27]

Það hlýtur að hafa verið eitthvað vafasamt um borgararétt ,,þjóðverjans" Sven Lau, ef hægt var að vísa honum úr landi vegna gruns um aðild að hryðjuverkastarsemi og hatursræður í anda Salafismans.

Annars finnst mér ekkert óeðlilegt við það að gera fólk útlægt, sem er fyrir löngu búið að gera sjálft sig að utangarðsfólki með hatursáróðri gegn eigin þjóð og lýðræðinu. Slíkt fólk á einfaldlega að búa í Múslímaríki þar sem þeir geta rækt trú sína í friði við umhverfið.

[Jón Steinar Ragnarsson, 9.6.2013 kl. 18:06]

Eina sem ég finn um þetta mál er að Egyptar vísuðu honum úr landi er hann kom til landsins. Hann er því aftur heima í þýskalandi. Þetta er aldeilis heiladauð blaðamennska.