Martin Schulz: Kapo eða lýðræðishetja?

Samkvæmt þeirri ágætu heimild Wikipedíu fæddist Martin Schulz árið 1955 nálægt Aachen, sem er eins vestarlega og komist verður í Vestur-Þýskalandi (við landamæri Hollands, Belgíu, Frakklands og Lúxemborgar). Þetta eitt ætti að geta skýrt brennandi áhuga hans á náinni samvinnu þessara nágrannalanda.

Sem nýr forseti Evrópuþingsins er hann að berjast af hörku fyrir auknum áhrifum hins lýðræðislega kjörna þings í ákvörðunarferli ESB (gegn ríkisstjórnum í Ráðherraráðinu og ókjörnum embættismönnum í Framkvæmdastjórn). Ef einhverjum finnst ESB ekki nógu lýðræðislegt, þá ættu þeir að geta séð að Schulz er "góði gæinn" í þessum málum!

Er íslenskur sjoppumatur orðinn gúrmetfæða?

Guð hjálpi þeim erlendu matgæðingum sem taka þetta trúanlegt, fara hringinn og reyna að lifa af því sem boðið er upp á í mati og drykk meðfram íslenskum þjóðvegum. Það er eins gott að fólk hafi með sér allar adressur og opnunartíma matsölustaða sem bjóða frambærilegan mat í kringum landið. Það sem flestir munu fá að kynnast eru vikugamlar samlokur, pylsur, fitulöðrandi franskar, hamborgarar, sælgæti og gos. Best er væntanlega að taka með sér nesti.

Völli Snær á BBC Lifestyle: Býður upp á íslensk veganesti í sumar

Konur eru fórnarlömb

Allmennt er litið svo á að konur séu fórnarlömb (sem alltof oft er reyndar tilfellið), sama hvernig málin liggja. Ímyndum okkur nú að þarna hefði karlmaður misnotað aðstöðu sína sem kennari og haft samræði við 14 ára skólastúlku. Ætli við værum að lesa um skilorðsbundinn dóm, hvað þá að hann verði styttur? Auk þess skrifum við stofufangelsi á íslensku.

Dómur yfir kennara styttur

Splæsum í landakort fyrir Moggann.

Á mbl.is skortir greinilega ekki aðeins orðabækur og leiðbeiningar um íslenskt mál, heldur einnig landabréfbækur og kort. En kannski eiga þeir landabréfabók- á ensku. Þannig erum við upplýst um að kosið verði í þýska fylkinu Mecklenburg-WESTERN POMERANIA! Svona kemur þetta frá Reuters og Moggamenn kokgleypa. Stundum er þó betra að tyggja fyrst, eins og Ömmi var að minna okkur á. Fylkið Mecklenburg-Westpommern er eitt 16 fylkja Þýskalands, gjarnan stytt í Mc Pomm (minnir á McDonalds og Pommes frites!). Kannski má reyna að íslenska þetta í Vestur Pommern. Það sem enskir kalla Bavaria og heimamenn Bayern köllum við Bæjaraland o.s.frv. Er þetta virkilega svona erfitt?

Merkel missir föður sinn

Valdarán, ekki bylting.

Eskil óttaðist að hægriöfgamenn í her og lögreglu væru að fremja valdarán (statskupp) gegn stjórn Verkamannaflokksins og ungliðahreyfingu sama flokks. Þjóðin, fólkið gerir byltingar. Þær koma neðanfrá. Valdarán framkvæma hægrimenn til að ræna völdum frá þjóðinni. Frá því þessir skelfilegu glæpir voru framdir í Noregi hafa AMX og Mogginn á furðulegan hátt reynt að snúa hlutunum á hvolf með því að halda fram firrum eins og þeirri að nasismi sé vinstristefna! Það sem gerðist var að ungur maður, uppfullur af hatursáróðri hægri manna framdi fasískt hryðuverk gegn norsku þjóðinni. Það sem Eskil vísar til er að Breivik var í fölskum lögreglubúningi og hann hafði sagt að tveir aðrir lögreglumenn væru á leiðinni. Hann treysti því engum. Þar fyrir utan er hann í erfiðri stöðu sem stjórnandi fyrir að hafa flúið í byrjun árásarinnar með ferjunni, eina bátnum við eyjuna. Aðeins 10 voru um borð en ferjan hafði pláss fyrir 50. 

Hélt að bylting væri hafin

Cui bono? Hver græðir á ákærunni?

DSK krefst ekki sýknu eins og mbl.is heldur fram. Hann heldur fram sakleysi sínu, sem er allt annar hlutur, (getur ekkjan í Eyjum ekki gefið blaðamönnum Moggans orðabók?).

 Áður hefur komið fram í bloggi að aktívistar UMP (flokks Sarkozys forseta), sem höfðu staðið fyrir ófrægingarherferð gegn Strauss-Kahn í nokkrar vikur, voru farnir að twitta um handtökuna áður en hún átti sér stað, eða a.m.k.löngu áður en nokkrir fjölmiðlar í New York vissu um málið! Sofitel hótelið tilheyrir Accor keðjunni frönsku, sem er í eign náins vinar Sarkozys. Stjórnmálamenn í UMP ganga þar út og inn. Frá byrjun hafa komið mótsagnakenndar upplýsingar frá lögreglu og saksóknara. Þernan átti ekki að skilja frönsku og var sögð frá Ghana. Í raun er hún frá Guineu, fyrrverand i franskri nýlendu í Vestur- Afríku og talar mun betur frönsku en ensku. Sagt var að hún hefði komið inn í svítuna klukkan 13.00 til að gera hreint og að DSK hefði þá ráðist á hana. Í ljós kom að hann tékkaði út og greiddi með eigin kreditkorti klukkan 12.28 og var sestur að snæðingi með dóttur sinni á veitingastað nokkuð langt frá kl. 12.45. Þá færir lögreglan tíma árásarinnar einfaldlega aftur til klukkan 12.00! Sagt var að í myndavélum hefði þernan  sést koma í uppnámi út úr svítunni og DSK skömmu seinna í miklum flýti. Svo kemur í ljós að á hæðunum eru engar myndavélar (aðeins í lobbýi á jarðhæð)! Saksóknari segir að DSK hafi yfirgefið hótelið í miklum flýti án þess að koma við í móttöku. En hótelið staðfestir að hann hafi greitt með eigin korti kl. 12.28. Auk þess staðfesti kona sem var samferða honum í lyftunni niður 28 hæðir (tekur víst 3 mínútur) að hann hefði verið sallarólegur og elskulegur og hefði haldið áfram að spjalla við sig meðan hann borgaði (hún bar vitni um þetta í frétta tíma franska sjónvarpsins France 2). Svítan var sögð kosta 3000$, 1500$, 575$ m.m. Hótelið og AGS staðfesta að DSK hafi greitt úr eigin vasa 525$ (sem er líka dýrt, en ekkert óvenjulegt á Manhattan. Hann fékk svo up-grade). Hann var sagður hafa ætlað að flýja í Air France vél á fyrsta farrými (fyrsta farrými er ekki til í þessari gerð véla!; hann sat í business class). Saksóknari segir hann hafa hlaupið í ofboði út úr húsinu til að kalla á leigubíl. Hann var að verða seinn til að hitta dóttur sína, sem býr í NY, og ætlaði væntanlega heldur ekki að missa af fluginu til Parísar. Flugið hafði verið bókað vikum fyrr, enda átti hann að hitta Angelu Merkel í Frankfurt daginn eftir (sunnudag) og 27 fjármálaráðherra ESB ríkjanna í Brussel á mánudag. Saksóknari lætur eins og hann viti þetta ekki og að DSK hafi verið á flótta. Fyrir utan flýtinn er það sagt sanna sekt hans að hann hafi gleymt farsíma á herberginu. Hann hringdi frá flugvellinum í hótelið til að grennslast fyrir um farsíma sem hann hélt að hann hefði gleymt (síminn var víst í tösku hans) og sagði hótelstarfsmönnum hvar hann væri og í hvaða flug hann væri bókaður (NYPD stóð þá yfir hótelstarfsmönnum og sagði þeim hvað þeir ættu að segja). Er það líkt manni á flótta að borða fyrst hádegismat í ró og næði með dóttur sinni rétt eftir að hafa nauðgað konu og hringja svo í hótelið og segja hvar hann sé staddur? Eru allir sem eru að flýta sér á Manhattan og gleyma farsíma á hótelum nauðgarar eða raðmorðingjar? Í ljós hefur komið að þernan var ekki ein. Hún kom að dyrum svítunnar opnum. Karlkyns starfsmaður var að taka morgunverðarbakka og sagði henni að enginn væri inni. Starfsfólk gengur greinilega einn og út á þessu "lúxus"hóteli án þess að athuga hvort gestir eru inni eða úti. DSK hlýtur að hafa falið föt sín og skó, ferðatösku og tölvu inni á baði! Svo er það talið hneyksli að hann komi nakinn út úr sturtunni, en ekki í jakkafötum með bindi. 

 Þetta er aðeins hluti af ruglinu sem manni er ætlað að trúa. Saksóknari og dómari eru kosnir af almenningi. Vinsældir ráða en ekki hæfni. Saksóknari er nýr og þarf að sanna sig. Lögreglustjóri þarf að sýna árangur. Þess vegna er maður sem ein manneskja hefur ákært dreginn járnaður eins og hundur í bandi fyrir ljósmyndara áður en rannsókn hefst, hvað þá réttarhöld! Hvernig á að treysta slíku réttarkerfi? Enginn afsakar DSK ef ásakanir reynast sannar. En þeir mættu vanda sig meira.

 

 

„Manneskja ákærð fyrir að beita ofbeldi“

Cui bono ?

DSK krefst ekki sýknu eins og mbl.is heldur fram. Hann heldur fram sakleysi sínu, sem er allt annar hlutur, (getur ekkjan í Eyjum ekki gefið blaðamönnum Moggans orðabók?).

 Áður hefur komið fram í bloggi að aktívistar UMP (flokks Sarkozys forseta), sem höfðu staðið fyrir ófrægingarherferð gegn Strauss-Kahn í nokkrar vikur, voru farnir að twitta um handtökuna áður en hún átti sér stað, eða a.m.k.löngu áður en nokkrir fjölmiðlar í New York vissu um málið! Sofitel hótelið tilheyrir Accor keðjunni frönsku, sem er í eign náins vinar Sarkozys. Stjórnmálamenn í UMP ganga þar út og inn. Frá byrjun hafa komið mótsagnakenndar upplýsingar frá lögreglu og saksóknara. Þernan átti ekki að skilja frönsku og var sögð frá Ghana. Í raun er hún frá Guineu, fyrrverand i franskri nýlendu í Vestur- Afríku og talar mun betur frönsku en ensku. Sagt var að hún hefði komið inn í svítuna klukkan 13.00 til að gera hreint og að DSK hefði þá ráðist á hana. Í ljós kom að hann tékkaði út og greiddi með eigin kreditkorti klukkan 12.28 og var sestur að snæðingi með dóttur sinni á veitingastað nokkuð langt frá kl. 12.45. Þá færir lögreglan tíma árásarinnar einfaldlega aftur til klukkan 12.00! Sagt var að í myndavélum hefði þernan  sést koma í uppnámi út úr svítunni og DSK skömmu seinna í miklum flýti. Svo kemur í ljós að á hæðunum eru engar myndavélar (aðeins í lobbýi á jarðhæð)! Saksóknari segir að DSK hafi yfirgefið hótelið í miklum flýti án þess að koma við í móttöku. En hótelið staðfestir að hann hafi greitt með eigin korti kl. 12.28. Auk þess staðfesti kona sem var samferða honum í lyftunni niður 28 hæðir (tekur víst 3 mínútur) að hann hefði verið sallarólegur og elskulegur og hefði haldið áfram að spjalla við sig meðan hann borgaði (hún bar vitni um þetta í frétta tíma franska sjónvarpsins France 2). Svítan var sögð kosta 3000$, 1500$, 575$ m.m. Hótelið og AGS staðfesta að DSK hafi greitt úr eigin vasa 525$ (sem er líka dýrt, en ekkert óvenjulegt á Manhattan. Hann fékk svo up-grade). Hann var sagður hafa ætlað að flýja í Air France vél á fyrsta farrými (fyrsta farrými er ekki til í þessari gerð véla!; hann sat í business class). Saksóknari segir hann hafa hlaupið í ofboði út úr húsinu til að kalla á leigubíl. Hann var að verða seinn til að hitta dóttur sína, sem býr í NY, og ætlaði væntanlega heldur ekki að missa af fluginu til Parísar. Flugið hafði verið bókað vikum fyrr, enda átti hann að hitta Angelu Merkel í Frankfurt daginn eftir (sunnudag) og 27 fjármálaráðherra ESB ríkjanna í Brussel á mánudag. Saksóknari lætur eins og hann viti þetta ekki og að DSK hafi verið á flótta. Fyrir utan flýtinn er það sagt sanna sekt hans að hann hafi gleymt farsíma á herberginu. Hann hringdi frá flugvellinum í hótelið til að grennslast fyrir um farsíma sem hann hélt að hann hefði gleymt (síminn var víst í tösku hans) og sagði hótelstarfsmönnum hvar hann væri og í hvaða flug hann væri bókaður (NYPD stóð þá yfir hótelstarfsmönnum og sagði þeim hvað þeir ættu að segja). Er það líkt manni á flótta að borða fyrst hádegismat í ró og næði með dóttur sinni rétt eftir að hafa nauðgað konu og hringja svo í hótelið og segja hvar hann sé staddur? Eru allir sem eru að flýta sér á Manhattan og gleyma farsíma á hótelum nauðgarar eða raðmorðingjar? Í ljós hefur komið að þernan var ekki ein. Hún kom að dyrum svítunnar opnum. Karlkyns starfsmaður var að taka morgunverðarbakka og sagði henni að enginn væri inni. Starfsfólk gengur greinilega einn og út á þessu "lúxus"hóteli án þess að athuga hvort gestir eru inni eða úti. DSK hlýtur að hafa falið föt sín og skó, ferðatösku og tölvu inni á baði! Svo er það talið hneyksli að hann komi nakinn út úr sturtunni, en ekki í jakkafötum með bindi. 

 Þetta er aðeins hluti af ruglinu sem manni er ætlað að trúa. Saksóknari og dómari eru kosnir af almenningi. Vinsældir ráða en ekki hæfni. Saksóknari er nýr og þarf að sanna sig. Lögreglustjóri þarf að sýna árangur. Þess vegna er maður sem ein manneskja hefur ákært dreginn járnaður eins og hundur í bandi fyrir ljósmyndara áður en rannsókn hefst, hvað þá réttarhöld! Hvernig á að treysta slíku réttarkerfi? Enginn afsakar DSK ef ásakanir reynast sannar. En þeir mættu vanda sig meira.

 

 

Strauss-Kahn krefst sýknunar

Nei sko, þetta geta þeir!

Þegar heittrúaðir imamar (múslimskir predikarar) í Danmörku höfðu ferðast um Miðausturlönd og breitt út þau tíðindi að hinir illu Danir hötuðu Múslima og létu birta skelfilegar skopmyndir af sjálfum spámanninum í dagblöðum sínum, (myndirnar eru nær allar mjög sakleysislegar), varð allt vitlaust m.a. í Sýrlandi. Þetta gerðist 6 mánuðum eftir að myndirnar 12 birtust í Jyllands Posten, þ.á.m. hin fræga af eyðimerkurpashanum með sprengju í túrbaninum (Múhammeð?) eftir Kurt Westergaard. Sú staðreynd að Danir höfðu af rausnarskap sínum tekið við tugþúsundum flóttafólks frá þessum alræmdu einræðisríkjum og að imamarnir sjálfir lifðu af bótum féll af einhverjum ástæðum undir borðið. Þeir kynntu við sama tækifæri (mjög slæmar) myndir sem þeim höfðu borist einhvers staðar frá (en öllum var sagt að dönsk dagblöð hefðu birt þær myndir líka). Hvað gerðist síðan í Sýrlandi? Félagið Ísland-Palestína myndi væntanlega segja að friðsamir mótmælendur hafi hópast saman í Damaskus til að mótmæla hneykslanlegri framkomu hinna viðurstyggilegu dönsku trúleysingja. Aðrir gætu sagt að óður skríll hafi gengið óhindrað um götur Damaskus og brennt til grunna sendiráð bæði Danmerkur og Noregs og fótum troðið fyrir framan sjónvarpsmyndavélar þjóðfána þessara landa með sínum kristnu krossum. Hvað aðhöfðust leyniþjónusta, her og lögregla? Ekkert. En almælt er að randafluga geti ekki flogið um götur Damaskus án þess að leynilögreglan hafi augu með henni. Það er því gleðilegt að heyra að starfsemin liggi ekki alveg niðri í þessum ágætu stofnunum og að þær geti látið til sín taka þegar valdhöfum sýnist svo.

Mótmæli leyst upp í Sýrlandi

Fiskiþorp og okurbúla

Jóhannes hefur greinilega ekki lesið greinina sem fjallað er um. Ég hef sjaldan séð meiri lofgjörð um Reykjavík að vetrarlagi. Það er þeim mun eftirtektarverðara að fólk skuli vera svona jákvætt þegar maður sér hvernig það upplifir viðurstyggilegt okrið sem hér viðgengst á öllum hlutum. Verð- og skattlagning, sérstaklega á áfengi af öllu tagi, er svo gjörsamlega út úr kú að það nálgast að vera mannréttindabrot. Í greininni kemur fram að stjórnvöld bindi vonir við að efnahagurinn lagist vegna aukins túrisma. En um leið skattleggja þessir aulabárðar drykkjarföng svo mjög að flest fólk sem hingað kemur frá siðmenntuðum löndum pantar sér kranavatn með mat á gourmet-veitingastöðum. Nokkuð sem það myndi annars aldrei láta sér til hugar koma. Ég þekki þetta af áralangri reynslu sem leiðsögumaður. Ég hef svo sem enga von um að þetta breytist næstu hundrað árin eða svo; Framsóknarmenn í öllum flokkum munu standa í vegi fyrir öllum breytingum í nútímaátt.

Reykjavík eins og fiskiþorp

Allah er miskunnsamur.

"Við réttarhöldin reyndi lögmaður al Saud að leyna gögnum um að prinsinn væri samkynhneigður en hann á yfir höfði sér aftöku í heimalandinu ef hann snýr einhvern tíma þangað á ný. Ekki fyrir að hafa myrt annan mann heldur fyrir að vera samkynhneigður en dauðarefsing er við samkynhneigð í Sádi-Arabíu".

Í Saudí-Arabíu - sem Bandaríkjamenn halda uppi með olíukaupum og hervernd- er það ekki tiltökumál að prins af Saud konungsættinni drepi þjónsgrey; en að hann sé hommi, það fyrirgefa þeir ekki. Spurningin er einungis hvort þeir kjósa að hálshöggva prinsinn, grýta hann eða slíta hann í sundur. Hann er því sjálfsagt best geymdur í ensku tugthúsi.

Prins fundinn sekur um morð